Вун акьу прививка – ве багу кIиларин сагъламвелдин далда хIисаб э. ЯгIа дуньяйин гьавайихъ хъуттурфугуна, ме ахттилатин мегIна лап дарин э. Гьертти учи уч духIучин, сайивасра ме ухIас хьасттава. ДехIела хьин мусра эхIттият фадихьуна ккандава. КIилди усариъ суман, хье райондиъра ковиддин вакцинация аркьаттарин джалгабур давам вея. Ме санаригI гIачархьуне Абдуллаева Индира Рамазановнара. Фи фикир фай акьуф э вун ме прививка пуна суал йигуна, Индира Рамазановнайи джуваб акьуне:

«Зас ме итталин зарар вархайилас дава агуф. Зе хизанар джалла иттар хьуне. Ппара Iайи читиндира алайшуне. Зе хъара джемеIетихъай алакъа хьуб э. Миштти идегуна, зун тахсир и, ме чIирхIе радж хаб зе хизанаригIди дагъас, зун акьуне прививка.

Прививка акьуне пуна, зе джандин гьава духуба хьундава. Завас викIехIди хьасе пас, прививка акьас кканедегьенттари дагучIай акье пуна».

Салихат Малагусейнова