Дагъусттандин хIатти Владимир Васильева 18 августиъ файшуне совещание Дагъусттандин рекъерил вере машинарин ишкиларна видеобур аттива  гъалатIар фарцан  шейъэрихъас.

Владимир Васильева хабар акьуне, ягIайин ягъас республикайиъ кар аркьай аяф 276 ишкиларна видеобур аттивас рекъерил алийина ая шейъэр, машинар гьикаттари гъалатIар дакьас, гебури кумак аркьа имунилди гьикасра машин, ачирхIубара чIукь аркьа, инсанарин Iуьмурарна сагъвелар ухIа. Хъара Дагъусттандин хIатти агвар акьуне джалла вере четин суалар арайил акьуна кканеф идеф сасра регионарихъра хъуттурфуна.

Хабди учин хабарар акьас айчIуне Дагъусттандин Правительствойин председательдин садпе заместитель Гаджимагомед Гусейнов, ги четинвелар уйи пуне рекъерил гъалатIар акьуттарин йирхIуна ая ишкилар чиппихъди рукьас акьас пулар гьуркIай адавуйи пуна, амма гьал законин къайдабуриъ ами ге кар арайил акьуна ая. Миштти Дагъусттандин Правительствойинра «Упрдор Кавказ» агъа идарайинра хъара Российин МВДйин арайиъ разивелар ликIина ая кар арайил верегъилди, ге кидавай, Дагъусттандин Правительствойи ликIина ая разивел хье республикайин МВДйихъай Iайвелара даверегъилди, дузвел верегъилдира алгъурзангъилди.

«Дагъусттандин Минтранси маслехIет акьуна ая Российин Почтайихъай гъалатIар акьуттарин кIеджар гьикагъилди, ме кардис пулар бюджетиъ ая, гебурин кIилна рудж аттивай ахьасе Дагъусттандин МЧСи 112 агъа идарайихъай», — хабар акьуне Гаджимагомед Гусейнова.

Учин багухъас вахттунилди ая Дагъусттандин МВДйин министрди Дмитрий Гутыряйи хабар акьуне хIезурвелдихъас джалла 276 ишкил ата шейъэрихъай кар акьубахъас. Ппара кар файшуна ая.

Хъара Владимир Васильева тамаша бадалди хабар гъуйуне машинар гьикай гъалатIар акьуттарин штрафар найч вейчина. Гаджимагомед Гусейнова 700 млн манат хьуб мункимвелдиъ аяттар ке удигьай гьикасе рекъерил Iайвел дахьубас (светофорарис, рекъер IирIе акьубарис, хъара сасра шейъэрисра).

«Хьевас хьасе гъуянас 700 млн манат штрафарин, хъара герекди идеф, хардж акьас гебур рекъерил вере  Iайвел варха акьуна рехIет акьас, инсанарис курара акьуна. Идже кар э. Миннат аркьай ая къулугъар фай ая хIаттарис агърукьай аягъилди, учин ягъ хъучучIагъилди хьиму кар хъара дахъас хьасе пуна. Хьин агьал аркьай ая хьевас агърукьаф, рекьерил дузвел верегъилди», — пуне Дагъусттандин хIатти.

Совещанин ахирахъди Дмитрий Гутыряйи джикъи ахъакьуне фиштти гъай айчина рекъерил файшуна ккане къайдабур: «2020 исан 1 августис  рекъерил хьуна ая 763 ачирхIубар машинарин, гисаъ кIина ая 162, иттар акьуна ая 1024 инсандис, ге чIукь э 2012 исан ме вахттунилас. Федеральный программайилди «Повышение безопасности дорожного движения в 2013-2020 годах» джалла кьайдабур акьуна ая. Российин Президентин Владимир Путинан «Майский Указарилди» 100 агъзур инсандил кIиттар ппара хьуна кканди адава дагъусттандиъ 360 инсандилас вартт исан арайиъ. Хьин ягIа гъургъй ая шейъэр рекъерил алди милас вартт хье хьасттава».

«Российин Президенти къайдабур, вун агъай уйиттар — рекъериъ луькIеттар чIукь верегъилди, хьин гьевас агърукьуна кканде. Хьин гъадивуна суалин ахир хьава э – инсанарин Iуьммурара сагъвел», -пуне Владимир Васильева.

Ахттилатар аркьай уйигуна гъадивуне суал инсанар гъаре автобусарихъ хъуттурфан станцибурихъас, республикайиъ ягIайис ая гебур 44.

«Хьин ппара акьуна кканде гишттин станцибур, инсанар балабуриккесра ухIасе, курар-мукьара хьасе. Джаллабури, гьина акьуна кканди аяф ичина, ге кар кIилиъди гъуян», — джикъи акьуне Дагъусттандин хIатти.