Вакцинация акьуб сагъвелдис кумак э

Коронавирус итталихъас ахттилатар ккиркIвасе пуна фикир андава инсанарин. Iайвелихъдира иджвелихъдира инсан дахи вардиш ве. Гьемиштти хьуная ме вирусдин ахттилатра. Фидегьен уларис агучира инсанарил аде ягъар, Iуьшар, са-садарин фикирдиъ гьалра учIай адава ме иттал ая пуна. Амма хъугъаттара ппара хьуная, ме итталик кеяф агухаб.

Нагагьра унихьай андава час хьундава ме коронавирус агъафра, фас пичин, учин кар ми акьуне, гIатай-гIатай джалла хизанарис киркьуне. Ппара эмалар кея иттал хьуне ме. Гьемишти идехIела э джаллайикес тIалаб аркьайифра, аркьай амефра духттурари ме итталигьас эхIттият акье агъай инсанарис. Ке удигьай акьуна ккандея кар э ушуна вакцинация акьуб. Ме руб йирхIуне пуна духттурари иттархьасттава агъа гаф ирцIандава, амма иттархьехаб рехIети алавесе пуна агъа.  Зе фикирдилди, гьегиштти хьебра иджвелихъди э. ИдехIела, хьедегьен идже верегъилди хъуттурфуна, тIушуна кканде гьер са инсан учинра, учин багунттаринра сагъвел бадалди.

 

Батитай Габибулаева