Ппара четин вахттар алайшуне инсанарилас. Лихубара ппара
алчархьуне. ГьуркIуна фун ацIасттегьен Iеле гунира, джандил
аликIас канра, лекул аликIас лекра адавай.

ДехIела инсанари чиппи-чиппис аркьайи кунар-лекар. Авал
вахттари инсанари ппара лекул ишламиш аркьайи шумар. Шумар аркьафи идемари хIа вецунан хам леъдикес. Сасра леъдикес акьугуна Iаш киркьуфна сад кеттушуна, хIа хьуна чIирвейи.

Мебурихъди аверефи адул аларджа тулакъара. Iайи ишламиш аркьафи шумар хIуьппехъенари, неджберари. ИкIуна гIанаъ гIудул къачара аликIафи кьацIул лекарил.

Угъал угъагуна Iаш кейчIвайдавуйи, рагъ аягуна куче вейдавуйи, аяз аягуна лек ругъайдавуйи. Ппара зурбабур и авалдин инсанар, джалла четинвелар гъадивайи мебурин цIуппе джанари.

Луиза Гусукаева