Ме хIурин «КIегIлайихъ» агъа мукь дуьйиъ ая-адава хабарар завал аркьа мукь э. Гьалдин вахттуни тилифанар, джуре шейъэр аттархьуна айчинара, гьучадархьуна гъургъас вереттар, КегIла джинсуас аттархьайдава. Инсандис ширин ве гьучархьуна, аргвай аркьа хабарар. Тикес, микес унихьайдалара, удигь аргвай акьу ахттилатихъ ппара хъугъа, Iемал акьухаба, шагьидара гьучагъас ве. Багами мал-къара адикуна эвел акьухаб, абкьанис, мучI фадаркасттегьен, Iуьшуйра кам вейдава ме гимилас инсанар.

ЧIирхIе карра ая мисаъ экьубан. Нагагь вун ве хулан кар ккеттархьай ай, мисаъ экьухаба файда кидава. Гунагьин кар э гьаттвере дишагьлихъ хъуттурфанди ул алттадивахаба, хъаттрухахаба Iаттихъасра, иджеттихъасра. Вахттра, мукьра дузди ишламиш акьас ягIай кканде.

Гим йиркIв алттвере мукь э. Ве дард, бала аяхаба ахъакьас ве.

КIегIла — хIурин джемеIетра завал вере мукь э, хIуриъ ая курар арайил акьас: гIарариъди мус айчIвайчина, маларис чIирар пай акьубас, нубатарин кIил-рудж аттивас, хъара сасра лазим курарисра. Гимил эркьва хIа идемар — хIурин фурс э.

Камиль Мирзоев