Ме дуьяйиъ гьер джурейинттар ая инсанар: Iайвел, зарар кеяттар; заъра ачамата, зунра кирхIаства агъаттар; аве учин девлетикес, вахттуникес, джандикес хардж аркьаттара. ЯгIа гъургъасе ке ахиран къаттиъ ая инсанарихъас.

Инсанди нае иджвел  акьучира гин ге гIачавесттава. Ая иджвелар акьуна кIиркIваттара, ппара гагьди вей амилгвантара. Ппара загьмат алихьуб дава матлаб, вун акьуна шейуни инсанарис ацIуна гагьди хаир гъас.

Агъул халкь ппара ая далгъуна дуьяйиъ. Чиппин гъилихъ хъуеф акьас тисаас, мисаас гIаттархьа хье ватаниъди. Iари агъулар дава савабин курар аркьай хьеалди бадилверефра.

АцIуна хIурариъ ая акьуна некьварарин багулиф саниIетар, суьребур ачихьа бицIи хулар, гебур кидавай тушкин ягъари, е Iайи рагь алихьу ягъари ккекьвас акьуна ая гъвад алахъу мукьар.

Мишттин курарихъ хъучавере зурбабурис, хье джалла, джемеIетин ттуранихъас пас кканди ая: «Чвас хIа чухъ сагъул, чвас савабар ликIирай».

 

К.Мирзоев