ХIес жаллабирисра ягIа фишттин балайик кичархьучин Элистайиъ Дагъустандин борец Саид Османов. ЛиркIентарихъ, унихьаттарихъ хъугъучи учи учин кIилил бала файдеф. Вун ушунаф жуьре республикайиди, чиппин дин жуьреф, гIедатар, экьуб-гъузуб журеф. Вас фи кканде, нагагь гиас гишттин кар аттархькнайчин, келхъенас журеттарин диндик, гIедатарик. Вун жуьре мукьуйиъ аягуна батIар чIал пас девейчин, чIирхIе чIала магъа. Аллагьдин бала лекун кIенакес кейчIва агъасуман сакинди экьве цIа. Iаре мукьуйил Iу халкь гIахъас маркьа. Калмыки хье Дагъустандин  къунши э. Ацуна курар арабириъ аяф. Дагъустандин инсанар ппара ая калмыки. Фера давай Iу халкь гIахъас амарта. Милас Iа кар адава. Хье правительствойин председатель А. Гамидов ушу Элистайиди багъишламиш акье пуне калмыкарис, хъара арабур читин унихьа гафарарилди е хье машинар верегуна, е хье тисариъ кар аркьа инсанарис гиран акьас алучIа агъа. Са фера арайил алдавай гьакIан экьуна мукьуйил Iу халкь гIахъас хьуне. Гьала уч Саид Османов балайик кичархьуна. Ахир кIил фиштти хьас ичира дагIай.

Жигьилар, хIаттар. Чун ушу мукьуйиъ чвас кканхьуна кканде гьетисан дин-тIеIэтра, чIалра, гIедатара. бицIи маслихIет ижи э, хIа къал-макъал далара.