Ахиран вахттари ке ппара ахттилат аф коронавирусдихъас э. Иттархьуне, сагъхьуне, больницайиъ ая агъай. Ме иттал кидиркьу хизан андава. Ппара иблис иттал э ме. Агьал, духттурарин чIаларилди, бицIи суман яваш хьуная ме. Амма гьалра алийина ая къадагъабур алттивуна адава инсанарилас. Гьемиласра э ме иттал чIукь хьунаф. Хъара хIа кумак хьуне инсанари вакцинайин руб йирхIуна. Агьал руб йирхIуттарин сан ппара хьуная дайирхIуттарилас. ДайирхIуна аметтаринра гьерттин са багьана ай йирхIас амметтаре.

Сад ме руб йрхIуттаригI гIая Исаева Калимат Гаджиевна. Ме бицIи кклассарин мегIелим э Миссиарин махьттабиъ. 

«Зун ме руб йирхIас рази хьеф, ке удигь кIил хьуна захъас э. ИнсанаригI кар аркьая вахттуни, ппара хIа мункинвел уйи зас кедишасе пуна. Кардилас хаб иттал хулади файдихаб, зе хулаъра ая шиникквара, хIа инсанара. Мебур иттархьехаб, ке удигьай зас  читин хьасе. ДехIела, са чIире фикира дакьуна, зун йирхIуне руб», — пуне Калимат Гаджиевнайи. 

Луиза Гусукаева