Iу исалас вартт хьуная дуьйил гьалдис кьацIра ундигьу коронавирус агъа азар гъутуна. Фиштти ме итталиккес ккеттивайчин дагIай лал хьуне джалла хlуькуматарин духттурар. Гьергъилди сагъ аркьайи иттаттар. Саппараттарис кумак вейи, саппараттар ккеттивас дахьуна ме дуьяйилас вейи.

ЯгIара аме ме итталихъай четинвелар. Амма гьал идже хьуная ме итталис вакцина адихьуф.

Сифтта инсанар гучIай, хъудугъай уйи ме вакцинайихъ. Вахттар ккеттвей, инсанарин фикирдиъ ачархьуне, руб йирхIуттинра дайирхIуттарин джуревел аф. Ягъалас ягъа ппара вея руб йирхIу инсанарин хIисаб.

Гусейнова Галитмай Рамазановна, Москвойиъ садикдиъ кар аркьаяф воспитательвелди, гIулана учин кардилас мугьлат йина хIуриъди ади вахттуни, ми кеудигьай ушуна акьуне Агъул райондин больницайиъ вакцина.   Гьер джурайин инсанарихъайра гьучархьай, гъургъай варха рекъ йирхIуна адина ая вахттуни мин кеудигьая вазифа и учин сагъвелдихъасра аме багу-кIилинттарин сагъвелдихъас фикир акьуб.

Галитмай Рамазановнайи джаллабурисра ме иттал дахьас руб йирхIучин иджи э агъа. Иттархьучин, руб йирхIуттарин иттал рехIети алттве.

Луиза Гусукаева