Ахиран вахттари хаб къате хьуная коронавирусдин раджар. Магьа хаб алийине хьес хIа пай мукьариъ къадагъабур. Ме маслихIет акьунаф гьакIанди дава, хье хIуькуматин эпидемиологический гьавайихъ хъуттурфуна э. Ме гьава иджвелихъди гьударкасе, нагагь хьин джаллабури вакцинация акьухаб.

Ме кардихъас фи фикир аркьайчин, зун хабар гъушуне хIа яш хье инсан Гашумова Зулейхайифас. Мин ахъакьубарилди, учи, са чIире фикира дакьуна, ушуна йирхIуфе пуне вакцинайин руб. Те вахттуни ме коронавирус иттал Iайи алгъазийина уйи гьеме къатдиъ ая суман инсанарил. Хабди э ме иттал джурейи джалла яшанин инсанарил хIевалат хьеф, джигьилф, Iуьсеф дагъай. 

«Зе хулан хизанарикес ке удигьай вакцинайин руб йирхIуфра зун и. Са хулан хизанар ичира, ме руб йирхIубахъас фикирар гьер джурейи уйи че. Руб йирхIуб иджи ичира, Iайи ичира, джалла инсанар Аллагьдин гъиликк ккеттаре. Амма гьалдис зе йиркIв архайинди ая ме итталикес. Эгера иттархьучин, рехIетти алавесе пунара муш кея зе. Зе фикирдилди, джаллайис йирхIас алчархьасе ме руб, дирхIуна ме иттал хьегIас гIайчIвасттава. Вахтт хъучадегуна ревакцинацияра акьасе зун», — пуне Зулейха Гашумовайи.

Салихат Малагусейнова