ЦIеIудпе июнь хье хIуькуматин ягъ э. Ме ягъа гьер регионариъ акьуне гьер джурейин мегIракабур. Гьемиштти хье Дагъусттандиъра акьуне. Ме мегIракайил РДйин культурайин министрди Зарема Бутаевайи культурайин пешакурарис, йиркIв фай мехIкамди чиппин кар акьубан, гьерттис учис рукьа джавизар йине. МебуригI гIачархьуне музеярин, библиотекабурин пешакурар, художникар, артистар, макьамчибур, школа искусствойинра ссузарин мегIелимара. Ме кардихъас информагентствойис хабар акьуне ведомствойин пресс-службайи.

Ме джавизар йи культурайин пешакурар ягъцIур инсан хьуне. Джавизар ирцIан мегIракайил министрди кIвал акьуне хIуькуматин хIаягъ хъучаверегуна мишттин мегIракабур файшуб Дагъусттандиъ иджвелин гIедат хьуная пуна.

«Гьер са чвахъай гьучархьуб цIае мункинвел э час чве рехIимлувелилди хье республикайин аваданвел бадалди дивая загьматихъас, аркьая кардихъас чвас чугъсагъул пас. Чун гьер са инсан учин пешайил Iешкъ алди лихубал чин ппара рази э. Гьер са хIур, шагьур, район бадалди чве джафа лап хIа э. Хье бицIи ватан кIилди дуньяйис машгьур акьас алучIубан чвас ппара баркаллагь хьурай», — пуне мебурис Зарема Бутаевайи.

Салихат Малагусейнова