Ме цIае форма ахтармиш акьуна ая дженг дивавусариъна гьер джурейин тIабиIетин гьавабуриъ. Ме цIае форма ахъарукьас акьуная Украинайиъ СВОйиъ иштараквел аркьая Воздушно-десантный войскабуриди. Ме кардихъас хабар йине Российин Оборонайин Министерствойи (МО).
«Украинайиъ СВОйиъ иштараквел аркьая Воздушно-десантный войскабуриди рукьуна ая тIабиIетин гьер вегIдайис дуьрхье цIае джурейин форма (ВКПО3.0). Ме цIае джурейин кунар дикьвунаф гьалдин джурейин кьумашарикес э, гьер тIабиIетин гьавайис дуьрхьетттарикес»,- гьемишттин хабар кея МОйин Теlegram-каналик.
Российин Миноборонайи хабар йине, ме цIае форма ишламиш акьунаф э пуна хIекьдан дженг дивавусариъна тIабиIетин гьер гьавабуриъ. «Хье СВОйиъ иштараквел аркьая аскерари батIар кьимат йине ме формайин къулайвелдисна хIуьчIанвелдис»,-пуна ая ме хабарик. Хъара МОйи ахъакьуне фи тIалабар уйичин ме цIае формайихъди. «Садпе мич рукьу формабуригIди гIачархьуне гIулин кунар, килил аликIаттар, кулакигьасна угъалигьас далда вере кунар, хъара илгун цIуппе лекар»,- пуная ме хабариъ.

АбдулРашид Рамазанов