Алттушу хIефттайи хье республикайиди файдине ягъцIур машин скорый помощьдин. Гебурикес муяд реанимацин машинар э. Ге машинарин гIанаъ ая джалла гереквере техника, садпе кумак акьас верегъилди итта инсандис.
Гебур кидавай гьикас пун гаф йиная хье Дагъусттандис ярхьцIурна гIуьфуд хъара. Ме исан ахирахъди джалла кей вершалас вартт хьасе машинар.
Пул гебур гъуянас гьикунаф хье республиканский бюджетиас э. Дагъусттандин минздравдин хIатти Джамалудин Гаджиибрагимова пуне: «Ппара вахт э мишттин машинар цIеттар адавай. Миштин машинар ай кканде джалла районариъ, вахттуни кумак акьас хъучархьас иттаттис».
