Дагъусттан Республикайин Iекв даргваттарин библиотекайи(РБСди) адихьуная   назумчи Расул Гамзатован  шаирарин китаб «Книга юмора и сатиры»  уларин Iекв адаваттарис кьасусттира гьегебурис акьуна Брайль агъаттин шрифтилди. Ме кардихъас хабар йине информагенствойис пресс-службайиас  РСБСдиас.  Ме китаб  адихьуная кIилди дуньяйиъ  ттур ая назумчи Расул Гамзатован 100- ис хьубан мегIракабурис. Ме «Книга юмора и сатиры» агъа китабик  кея гьер вахттунин гьер джурейин сатиристический хъара зарафатарин шаирар.
Ме китабик кея авалдин ахттилатар, гъванарикна ттаргъунарик  ликIина ахттилатар,  зарафатарин шаирар, хъара ппара гьер джурейин ликIибар. Хурас ме китаб хьасе гьер гIешкъ ая инсандивас..
Расул Гамзатов э кIилди дуньяйиъ ттур ая шаирар ликIенф, тарджума аркьа  халкьдин назумчи, Советский хIуькуматин хъара Российин общественный политический деятель, заслуженный деятель  искусств Дагестана, Святой апостол Андрей Первозванныйдин ордендин кавалер, хъара якьуд Ленинан орденарин кавалер.
КIине Расул Гамзатов 3-пе ноябрьди 2003-пе иса. Алттушу иса  хIуькуматин хIатти Владимир Путина къул дивуне указдин кIеджарилас назумчи  Расул Гамзатован 100-ис хьубан аркьая мегIракабурихъас. Ме ягъас багъш акьуная шадвелин мегIракабур хьасе хье хIуькуматин гьер регионариъ.

Наибет Гасукаева