Авал заманайихъас хаб гьер хIуриъ аяфе пирар. Гебур алийнаф фера давай дава. Гьер пирдихъ учин тарих хъая. Типпагъарин хIурин яIанигI ая Суфидавудан пир.

Гисаъди джемеIэт завал ве мавлудар, садакьабур, саламар акьас. Гевус акьун хубжи исар хьуная. Пир акьухаб удигьа гIанра цIуьппе хьуне, джалла багварихъас хье гвандин цал акьуна.

Хъара гисаъ акьуна уйи эркьва мукьар, варттал алихьуна шифера, ибхь угъал угъагуна ккекьунаттар даlашас. Исалас иса шиферар ерсе хьуна уйи, са цалра арчIвай уйи. Ге кар бадалди гевус ккегъдивас хъучучIуная. Гьер ягъа гисаъ кар аркьай ая усттабури.

Гьалдис акьуна ая цIае цал, кIилди гIанан цалис йирхIуна ая сувагъ, йирхас амме джилис джагвар гъван, алихьас аме цIае шифер.

Мишттин джемеIет завал вере мукьарихъ ппара ахъаджихIай кканде. Джалла инсанарис ме ус бадалди джафа диваттарис ппара савабар ликIирай.

Батитай Габибулаева