Хье дуньяйиъ ая гьер джуре IуькIер. Амма хьес  ягIайдава гебурик кея Iайвел на иджвел. Ахтармиш акьучин дарман кея IуькIер ппара ая.

Сад э гебурикес неккдин IуькI (одуванчик). Хьидана ке удигьай агъучIа тук э ме. Найч ул йирхIучин гьетисаъ аве.  Сайис-Iуйисра нагагьра ягIай ахьасттава ме неккдин IуькIуьн иджвел.  Хьин алишай лекара аруцагуна хьес хIисабикк ккевейдава. ЯгIаттари агъа ме IуькI духттур хIисаб э пуна.

Амма уч ппара зугьмат хъафра кьулкьунфра э. Ичира Iайи ттур ая неккдин IуькIуьн хьеттин. Гикес ппара кумак кея  гIунарис, йиркlварис, силебарис. Хъара кумак кея кIарантIурар алайхьубас.

Ге IуькIуьл ве хъуьхъе тукар. Тук ахъу арайиъ завал акьуна  аркьа мурабба. Ге акьастти завал акьуна кканве якьу верш тук. Гикес ппара кумак кея лекIуьс, иъ мертт акьубас.

Ме IуькIуькес ппара кеттивас ве джандис дарманар, ама гьер дармандин кьайда ягIай кканде инсандис.

         

Б.Габибулаева