Агъул райондиъ ягъалас ягъа каронавирус хьуна иттархьуттарин хIисаб ппара вея. Агьал Iайи иттарвеяттара джигьилар э. ХIа яшунин инсанари джигьиларихъ хъуттурфуна рехIетти фарта ме иттал. ГIул хьуф инсанарин тIушубра ппара ве. Гьемиласра ппара асуллу э ме иттал алттушуб. ХIурариъди ве байирариъ аяттар аларуцас чиппин багунттарил, мактабариъ хурая шиникквар гьика каникулар хьуф хIабабарихъди, чабра ве курарилас мугьлат йигуна.
Гьемиштти гIулис Москвайиас адиная Заира Вагидова, дуьйин гьава аргвай, ке удигьай ушуне прививка акьас. Уч мегIелимра идегуна, ягъди инсанаригIра гIаягун, вархал акьундава ме кар. Ме кардилди ми учихъасра, хулаъ ая хIа инсанарихъасра фикир акьуне.
Ми йрхIуф са нубати ата руб э. ЙирхIухаб са бицIисуман иттархьуне Заира Рамазановна. КIил аларуцай, гъилиъ Iуьр аркьай буш гьава йирхIуне агъа ги. Iу ягъалас алайшуна рехIет хьуная. «Ме итталиккес ккеттархьас джаллабури акьуна кканде прививка», — пуне Заира Вагидовайи.
