Iурдана инсанарис четин вея мал-къара ухIас. Iудтти четин ве дагъдин мукьариъ. Фас э пучин сагелай ибхь угъугуна уьцIай дава хьидин кьанайистегьен. Зас ахъакьас кканди ая гьаме дагъдин са мукьуйихъас.

Гъудгъуларин Сумафу суваъ гьалра аме малар ухIаттар. Iурдана ппара ибхьер угъугуна мал-къара ухIаттарис четин верефе гебур чIирариъди адикуна, IуьтIанас акьас. Миштти идегуна цулана димари IуькIер файдина ахъиланде тушкин ягъарис. Малдин кIилил аркьафе нубатар, йицIу мал хъайчин, нубат гIартай нубати верефе. Миштти идегуна алтухъ загьмат вейдава малар адикай амедегьен гагьди.

Агьал Гъудгъуларин суваъ ая гIифцIурна ерхьи кIаре мал. Са инсан ая учин мал-къарара фай суваъ. Мис агъафе Шафи Шабанов. Шафи багамикестти дахи сеIэт муяйи гъайшина, алгъаве сувалди учин малар адикас чIириъди. УхIас загьмат хубджи алдея маларил, амма загьматихъ хъуттурфудегьен муфеIетра кея ме кардик.

Са гагьдистегьен ухIуна, хабди кканчин руккуна, кканчин джан алми масса йигуна, ацIуна пул аттива. Хье вахттари мишттин загьматил гIешкъ але инсанар ппара андава. Ме лихунил къазалмиш акьу пул хIуьлал э мебурис. Хъара кам дахьурай хье сувариас мал-къара ухIа инсанар.

Расим Гучудадов