Российин Федерацин гьер са инсандивас, гьелбетта мебуригIай гьер са Дагъусттанагьлийивасра ве Российин ВСдихъай икьрар хъитIанас. Ме кардин иде даваттарихъас «Молодежкайис» ахъакьуне Махачкалайин военный комиссар Геннадий Курбанова.
Ме икьрар хъитIубан ая яшарин шартIара. Яшдин кьайдабуригI гIачархьа цIемуя исалас ерхьцIур исалди рукьасттегьен.
Сур вахттари, нагагь ме рекъуьас таджриба инсандихъ хъай хьучин, ерхьцIурна гIуьфу ис хьасттегьенра ахттигьар аве.
Икьрар хъитIубан Iу джуре ая. Икьрарилди армиди вес ккане инсандивас ве ме Iу джурейикес учис нае Iайи хъудуьхьуьф ичин гьете гIаттивас. Ме кар бадалди гьер са инсан гьучушуна кканде уч яшамиш вере усан военный комиссариатиди. Нагагь Махачкала шагьурдиъ аяф идехаб, ме мукь ая Гамидовайин куьчайиъ, ерхьцIурна хьибудпе хулаъ, телефонар: 62-37-10, 62-43-36.
Iудпе джуре – мивас вес ве пункт отбора граждан на военную службу агъа усади. Мишттин ус дахъуная Дагъусттандиъ кьанди. Удигьди ме кар бадалди дагъусттанагьлибур Астрахань шагьурдиди вей уйчин мишттин пунктуниди, гьал мебуривас ве, найичра байирдиди аттудушуна, хье республикайиъ акьас хьасе.
Махачкалайиъ ме пункт ая Керимован куьчайиъ, ягъцIурна хьибудпе хулаъ. Ме ус вахттунилди атунаф э Кировский районный администрацин идарайиъ. Хабди мин учин кекейин мукь хьасе Нурмагомед Гаджимагомедован куьчайиъ (удигьди Джигитская). Мебур мич айчIугуна хабар акьасе.
Икьрар хъитIанас ккане инсанди ке удигьай акьуна кканде мед. обследование гьемисаъ мукьуйил.
Хъара мин психологическийна физический хIелдинра ахтармиш аркьа.
Икьрардин ке чIукь вахтт са исанф э хъитIанас вереф.
Чишна: Нагагь Узбекистандиас адина, РФдин гражданствора адавай, Дагъусттандиъ курар аркьай яшамиш вере усттайивас хьасев мисаъ хъитанас икьрар?
Хьасе – нагагь михъ вид на жительство хъаяхаб. Гьемиштти нае хIуькуматин инсандивас кканчира.
Армиди файшу срочник аскерар гьелбетта специальный военный операцибур ая усариди гъасттава. Амма, нагагь чиппин Iешкъ хьуна икьрар хъитIучин, мебур гъасе СВОйиди. Срочникдив средний е дахьучин высший хурубан кIедж фаяхаб, мебуривас ве армиди ушугуна, мукьуйилра ме икьрар хъитIанас, кканчин Дагъусттандиъ амичира, е дахьучин присяга кьабул акьуна хьибу ваз алттархьугуна.
ДегIвин хIезурвелдин гъавурдиъ адавай, таджриба хъудаттарисра кея икьрар хъитIанас. Амма СВОйиди гьикастти мебур яракьин, дегIвин хIелдин гъавурдиъ ихьуна, хIезур акьасе.
Икьрар хъитIу инсанарис Оборонайин министерствойи са вершна ерчIцIурна гIуьфу агъзур манатилас чIукь йисттава. Ме кидавай, са верш агъзур манат ирцIанде республикайин вакиларира.
Миштти идегуна, СВОйиди ачушухаб, гьер са инсанди гьер вазала Iу верш агъзур манатилас вартт гъуланде. Ме пулун кьадар хъара асуллу э гьер инсандин пешайилас.
Эгена инсандин икьрардин вахтт ккиркIуна, хаб цIае кIилиластти хъитIухаб, гьемиштти хаб гъуланде ме пулар.
Ме пулар кидавай, дегIвиъ ишттарак аркьая инсандис ве джуре пулара, дегIвин кьайдайилас, учин гьунарлувелдилас, хъара ме тарг акьу душманарин улакьарилас, яракьарилас ассулу хьуна.
Мебурин гьужумдин рекъуьн гьер са км. – 50 агъзур манат;
«Леопард», «Абрамс» суман са танк фацучин – 1 миллион манат;
Чурхъас акьучин мишттин танк – 500 агъзур манат;
«Хаймарс» агъа пусковое устройство тарг акьучин – 300 агъзур манат;
Вертолет кейхьучин- 200 агъзур манат.
ЙирхIунар хьуна, сара дегIвиъ иштарак акьас давере аскерарис садихъди сагелай йисе 3 миллион манат.
ДегIвиъ кIе иштаракчин хизанарис РФдин МОйи 5 миллион манат, хъара ери миллион йисе ОСАГО агъа страховой компани. Хъара хьес ягIа, фишттин майил аркьайчин мишттин хизанарис хье республикайин хIаттарира.
Мебур кидавай, кIилдибурис ая гьер джурейин льготара. Мебурис ветеранар пуна ттур ирцIанде, кредитныбур, налоговыбур каникулар ве, шиникквар гьавайи нае ВУЗдиъ кканчира хурас икIа, хъара ацIуна джуре курара аве.
Салихат Малагусейнова
