ХIуьукуматиъ хье хIа дегIвибур кедавай Дагъусттандин гIанаъ хьефе дегIвибур. Фидегьен Iае душман алчархьучира гьергелай гъалибвел гъушуна гIайчIвайи Дагъусттан. Ме кар ппара асулу э инсанарин зурбавелдилас.

Зурбавелра гьер са шиникквдис бицIи ами киланди вардиш аркьа. ДехIела игитвелди гъузанас идемар вей кканде къушумдиъди.

Ме кардихъас учин фикирар ахъакъуне райондин хIа инсанди, Председательди Совета старейшин Омаров Магомед Рамазановича.

«Дагъусттандин халкъдин игитвеларихъас дахи димари кIилди дуяйис ягIафе. Хье инсанарин зурбавеларихъас назумчибури лиркIенде шаирар. Гьер са несиларил алчархьа хIуькуматин сакинвелдихъас яракь фай гъузанас. Валаятин къушумдиъ вардиш аркьаф шинкквар ягъ-Iуьш хьасе хьасттава пуна дава. Зунра ушуфе къушмдиди, хабди зе валадара ушуфе.

Агьалра хье хIуькумат цIиялди ая зурба эскерарихъ. Алтушу иса, февральдин вазала башламиш акьуне Украинайиъ СВО. Мич чиппин разивел фай ушуне хье райондин ерхьи идеми. Гьалдис гьертти мебурикес чаб агвар акьуная зурба багухъас. Курагъарин эскерахъас Алавдинов Мухтар Рамазановичахъас ягIаргъуная джаллабурис. Ми фиштти игитвелди гъузучин учис ягъниш куьркьуна айчира хъая илдешар фаддихьуна. Учихъди кумак рукьасттегьен эркеквелди файшучин ми уч. Мишттин чишнабур агугуна кьабахъ хъая джигьиларинра гIешкъ ве мин игитвел чиппира акьас. Хье хIуькуматин сакинвел хьин духIухаб сара гьана э ухIаф?», — пуне Магомед Омарова.

Луиза Гусукаева