Инсанар ппара завал хьегуна, гимил хьурай, кардил хьурай, нанди хьичира агьал унихьаф хье хIуькуматин, хье Дагьустандин гьавабирихъас, хье манатихъас. ХIекьдана манатихъас гъургъунара кканде. Удигь вахттари са манатигьас хьибу гунира хьуна юцIу кепек хъамилгайра и, гьал са келпитарин тупра кехIей гъуянас хьасттава. Ппара хизанар, шинуьккар аяттарис месеIэтти хIуькумати кумак аркьайчира, дуламиш акьас рехIетти адава. ХIуькумати шинуьккарис пособи ирцIанди ая вершна цIегIуфу манат, са килав якк Iу верш манат агъая.

Гиштти идегуна пособигьас фи э гъуршанф, Iелеф гъуршандев или аликIаф, Iу егурт или Iу памперс?

Хьес хье манат ижи аргвайчира, cacpа хIуькуматариъ авалара хIисаб аркьафтавуйн. Хье манатигьас сайе хIуькуматариъ фера гьуянас верефдавуйи. Агьал заманайира манатин кьимат хъара ахтт хьуная. Са доллардигьас хьибцIурна гIифу манат ирцIан вахт фи вахте.  Сагелай вартт акьучин пенсибур, важибар, хьибугелай вартт гьайша кьиматар шейэрин, сад далара багьа хьуная тахта, к1ур, гъван, рукь, гIур, бензин, газ.

Фикьас миштти хьефе пичин, садпеф-СССР далгъухаб жалла жюре хьуне, бицIи хIуькуматар хьуне. Са зад далгьугуна фиичира чIир дахьуна илгвандава, гьегиштти хье хIуькуматра э. Алтухъ гъургъуна фиркьа. Адайхь завар пуна экьуна агъай хьасттава, саира кумак акьасттава. Гьерти учи учис кумак акьуна кканде дуламиш хьас.