3 пе июлдиъ Москвайиъ ме рамазандин вазала сив гьатас завал хьасе агъа хабарар удигъай димари уйи. Ягъалас ягъ хъучавей пе вахттуни фулан мукьуйиъ завал хьуна уйи хье хIуькуматин кехIа шагьурдиъ мугьулат хьу, хабар хьу агъулар. Завал хьуна уйи мебур «Дагестан» агъа культурно — просветительский центрдиъ. Хье райондиас кьасустиракей тебурихъай гьучархьас ушуна уйи райондин имам АхIмад Гьаруновра, нашидар хура Буршагъарин шиниккв. Маджлис акьуна ахттилатара акьуна гIилмуйикесра ягIар акьуна, суаларис джувабара йина хье чIалан нашидара хуруна, сивара гьатуна сад сайил рази ай, хабдира амур хьучи хъара аркьай акьасе пуна ккиркIуне маджлис.
