ВОЗ-дин хIисабарлди, итталин гьава яваш хьасе хье дуньяйиъ «омикрон» штамдихъай руб йирхIа инсанарин сан чIукь дахьучин. ЯгIайин ягъас коронавирус итталис ке идже дарман хIисаб аркьая «Спутник V» агъаф.

Ме итталин руб йирхIубахъас чин хабар гъушуне Арсугъарин хIурин идеми Исаев Раджаб Меджидовичавас.

Раджаб Исаев 2000 исалас мич кар аркьая маршрутный таксихъ Кьушан-Дере — Дербент. Мис 21 иса дагу Iеламатар адава, ама коронавирусдихъ хъучархьаф адава.Мин чIаларилди, ягъ  гIартай ягъа инсанар фай ушуна кканве шагьурдиди. Хъая хизандин дуламиш вереф са гьеме кардилди э. Миштти идегуна, кар акьуна кканди ая мугъатвел, эхIттият фай. Агьал коронавирус итталин читинвелар хье дуньяйиъ агуна, эхIттият хьудегьен ппара акьуна кканди ая. Коронавирус итталин руб «Спутник V» агъаф йирхIуне Раджаб Исаева Iудар компонентар цац димари.

«Миштти идегуна, иттал хаб бадил дахьас, руб йирхIуб садпе кумак э, зас суман, джаллабурисра, маскабур, ича дарманар ишламиш акьуна кканде тIалаб аркьая вахттунисдегьен. Агьал зун хIезурди ая коронавирус итталис ревакцинация акьас вахтт кIиркIвугъилди удигьай йирхьуна рубун», — пуне Раджаб Меджидовича.

Наибет Гасукаева