ЯгIа кIилди дуьяйиъ ая коронавирусная инфекция СOVID-19 агъа иттал. Ме итталис агьал инсанарис аркьая прививкабур. Хье райондин больницайиъдира ягIа-багагь адина кканди ая агъай гъузуная ме дармандихъ. Мич адина кканди ая къа вакцина, са вакцинайиъ ая гIуьфу доза. Мебур рукьагунас джалла хIезурди ая больницайиъ. Дарман чIирдахьас файдина ихьуная морозильный камерабур.

Ме руб йирхIаф райондин больницайиъ прививочный кабинетиъ. Кканди аяттари лабораториъди адина йис хьасе ПЦРдин мазок, хъара иин анализра йина ягIар акьас ве айчугас инсандин ме итталихъди антителабур.

Инсандис ме руб сагелай йирхIугуна, хабди къана са ягъалас сагелай сара ата. Ке удигьай ме прививка аркьая яш хьу инсанарис, духттурарис, мегIелимарис, хъара сасра инсанарихъай кар алчархьаттарис.

Амма ягIа ме прививка аркьай аяф гьер инсандин учин разивел фай.

Луиза Гусукаева