Июньдин вазалан 25-пе ягъалас 1-пе июльдисттегьен йисе сесар хье хlуькумати Конституцин къайдабурихъас. Гисаъ хlуькуматин духlуба вей ая къайдабурил рази ичин, давайчин пасе джемеlети учин чlал. Духlуба вей ая Конституцин къайдабурин мегlнабурихъас ахъакьас алучlасе мисаъ хье халкьдис.

Хизан — ппара багьа шейъ э гьер инсандис. Шиникквар хlуькуматин рекъ файшубаъ ке удигьая мукьариъ ая. Цlае къайдабурилди бицlи шиникквдис кихьасе учин ватан кканхьуб, хlаттарихъди хlуьлмат акьуб. Мисаъ хъара ая хьирна шуй агъа ттур алеф lари иллеттилра хумбеттил, эвел андавай илгу валадарис хlуькумати кумак аркьагъилди, хlекьдан хизандин гlедат ухlуб.

Ая мисаъ инсандин лихун ухlуб. Цlае къайдабурилди лихунигьас йина кканди ая кьимат чlукь хьасттава дуламиш хьас лазимди ая кьиматилас.

Агъдарукьаттарис, гlеджизарис, кризисар хьуна фидегьен четин хьучинра хlуькуматис, хlуькумати училди гъуланди ая гебурис кумак акьуб. Мисаъ агъая, иса ке чlукь сагелай гъадивай ахьасе пуна пенсибур хъара сасра гишттин пулар йибар. Хье хlуькуматиъ дуламиш вей ая гьер инсандис учин lуьмурдиъ  ягlай кканде учихъ хlуькумат хъаяф.

Хъара цlае къайдабурилди гьер хье хlуькуматиъ дуламиш вей аяттис  хьасе лазимди аядегьен дарманаринра, сагъ акьубан кумак, сагъвел амилгванас, е хъара ппара хьас яб йисе.

Хlавелдигlдира lари ватан кканеттардала  гlачадаверегъилди. Къулугъчибурис ахттигьар амилгванасттава lу хlуькуматин паспорт хъахьас, джуре хlуькуматарин банкариъ пулар атас, кар аркьагъилди lари хье хlуькуматин халкьдихъас.

Ме къайдабур кьабул акьухаб ахттигьар ахьасттава хье хlуькуматин джилин кьурцра масса, е гьавайи йис. Авалдин хаб хьуна ая джаллабурис ягlай ая хlекь ухlасе. Хъара хье хlуькуматиъ ая девлетар ухlагъилди, нахширарис зулумар даркьагъилди. Ухlасе хье бицlи миллатарин гlедатар, дин, чlал.

Камиль Мирзоев