Хье хIуькуматин къушумди 80 исан кьабахъай къил-къил акьуне немцарин къушум
Кавказдихъас хьу дегIвиъ. Ме кар бадала Дагъусттандин хIаф Сергей Меликов ттур
йирхIуна гъургъуне дагъусттандин халкьдихъай.
«9 октябрь 2023 иса – Аскерарин зурбавелдин ягъ э. Ттиъ дузди 80 ис хьуная гъалибввел
гъушуна хье къушумди Кавказдихъас хьу дегIвиъ. Ме хьу Дадарин хIа дегIвин вахттуни
Кавказдихъас дженг дива аскерарис азиятара ппара хьуне, кIибар хьуне кьадарсузди.
ЦIеякьу вазди уйи мисаъ дегIви. Гьер са джилин кьурцухъас, ачIахъас джан алихьуна
гъузуна уйи ме усар немцарин гъилиъди ачадархьас. Ме кардихъас Советский Союздин
Маршал Г.К.Жукова ликIина уйи: «Ме четин ягъари, фидегьен чиппис гIезаб кей ичира,
Северный Кавказдин халкь гъузуне зурбадалди». Верш агъзурарилас вартт дагъусттандин
халкь гъузуне Кавказдин джилар бадала, хъара ппара кумак акьуне мебури тылдиъра,
ппара лихуне фронтиъ аттарисра яракь, Iелеф, аликIаф хъучагъай. Мебурин кумакра ппара
и, гъалибвел гьучагъай. Мебур зурбадалди гъузуф, фиттигьасра дагучIай, чиппин дадарин
джилар ухIай и. ДехIела и мебурин кьуватра ппара идеф.
Хьеал алди ая хIа вазифа э – мебури те вахттари диву загьмат, агвар акьу игитвел хум
гьадатуб. 1942 иса августин вазала фашисттарин мерI адихьас акьуна уйи 91
Краснознаменный дивизи, ме кидавай, хъара уйи добровольческий кавалеристский
эскадрон, Моздокдиас Берлиндиди ушуф.
Те вахттарин курар ягIа хьу вахттунира аргвая хьес. Агьалра хье хIуькуматин аскерари,
чипппин гIешкъунилди ушуттарира, хIуькуматин гьер багварихъас завал хьуна, чIал сад
акьуна, гъузуная нацизмдин кIил алайхьас, Российин сакинвел ухIас. Дагъусттандиъра
акьуная добровольческий батальон «Каспий». Российин Президент В.В.Путина пуне, «хье
халкьдин ппара муш кея ватан ухIа инсанарик, мебурин зурбавелдик, игитвелдик,
ватандис йиная присягайик».
ХIа чугъсагъул хьурай Кавказдихъас дегъвиъ хьу ветеранарис, мебури ягIара
дагъусттандин джемеIетихъай кар аркьай аме. Мебур э Инчилов Гаджи Магомедович,
Казиханов Ильяс Батырханович, Петрухин Юрий Антонович, Рейзова Галина Савична,
Сахнина Нина Ивановна. Чин ппара дамакъвел аркьа чве игитвелдихъас, хумра
гьатасттава, хъара кегъархьая несиларисра ягIар акьасе чве зурбавеларихъас.
Джаллабурис дуньяйин ислехIвел хьурай, иджвелар, джандин сагъвелар!»-пуне
С.Меликова.
Луиза Гусукаева