Санкт–Петербургдиъ ешемиш вея Евгений Кутузов. Иджвелин рекьуъ учIуная Тверь шагьурдиас Индиъди рукьасттегьен, миштти аркьаф ми эл джемеIэт хъай хъучаверегъилди акьас пуна иттай ая шиниккварихъ, завалра аркьагъилди пул сагъ акьас мебур.
КIилди иджвелин рекьуьъ учIуна ая мусафирди вес икьрар акьуна ая 6000 километр. ЯгIайин ягъас ми са пай рекъ ушунара ая агьал аме Нижний Новгород агъа шагьурдиъ. Гисаъ мин хьасе са Iу ягъар, хабди учIасе рекъуь.
Вес ккея рекъ Кутузова гIаттивуна аяф гьакIанди дава. Гьаме рекъди ушуна аяфи девлетчи, купец Афанасий Никитин, ми ликIинауйи ме кардихъас учин рекъерин масалабуриъ «Хьибу хIуьлилас ушубар». Гьаме кIупецин рекьуьн хьил фацуна вей аяфе Кутузовра. Иджвелин (Волонтерди) уч вея аягъилди ахъаркьай ая учин блогиъ ВКонтакте, гьер джуре шагъурарихъас учин фикирарихъас, гьучархьая дусттарихъайра, сасуманди фикирар аяттарихъайра журналисттарихъайра.
Иджвелин рекъуъ а чIаларилди Дагъусттандиди ме рукьуб мункине цIулин яIанис. Вес кваъ ая МахIачкьалайидира, Дербентиди, мисаас ккваралас весе Азербайджандиди.
«25-пе ягъ вея зе учIуна хьилаба садтти рекъуъ. Волгайилас икьрар акъуна ая рукьас Астраханьдиди, хабди тидас Дагъусттандиди. КьацIра хьефтаъ чве мукьариъ, идехIела ппара Iайи агвас кканди ая. Рекъ фацуна аяф нецIун багв ихьуна э, вес верегъилди ая усариас. ГIачавес кканди ая МахIачкъалайиди, тидас учIагъилди рекъуъ Дербентихъди даркуна»,- ахъакьуне Кутузова.
Ми мегIлум акьуне иджвелин багухъасра проектин. Мин чIаларилди, аме сафари мугьлат ирцIанди алчагъас инсанар кумак акьубахъди. Учи Кутузова кIил ккийина адава пул завал акьубакк. Ме кардил алучIуна ая иджвелин курарин идарабур. Волонтерди гьаме читин кардихъ хъучавес аркьа хьилаба рекьуьъ учIуна. Мин чIаларилди, завал акьуна кIиркIвая пул 13-исан ДЦП ая шиникквдис.
Магьме ягъари дахъас икьрар аркьай ая хъара завал акьас пул, сае иттая шиникквдис. Кумак аркьаяф ме иджвелин рекъуъ учIуттис «Iуьрусарин географический эл-джемеIэти», хъара Федераци джалла усариъ дюхьес акьуб агъа идарайира ООНдин гъиликкеяф. Гьаме садпе проект дава мишттинф. Удигьай ме хьилаба ушуна ая Петербургдиас Эльбрусттиди рукьасттегьен марафондиай «5000 километр иджвелин».
