Хъучавея цIае исан хIаягъ. Ме ягъас инсанари аркьа гьер джурейин хIезурвелар. ХIаттардалара шиникквар Iайи гъузуна аве ме ягъахъ. Мебурис кканеф тамашабур э. Iайи кканеф шиниккварис хлопушкабур чурхъай бахъар акьас э.

Агьал дуьканариъ ая ацIуна гьер джурейин хлопушкабур, завариъ агъарта фейерверкар. БIицIиттар пул фачархьуфна сад гьукка дуькандиъ гебур гъушанас. Шиниккварин чиппин арайиъ бехIс аве найихъ ппара хъайчина, Iайи бахъар аркьаттар, хIаттар, тамашингъилди чурхъаттар.

Тамашабур суман Iайвелра ппара кея мебурик. ДехIела дуьканчибурив фахьуна кканде массайис ахттигьар ирцIан кIеджар. Мебури йина ккандава хIаттар хъудавай адина бицIиттарис.

АцIуна гьер джурейин курар алчархьуттар ая, мебурикес ппара зарар хьуттар. Фадихьас хъучадархьуна гъиларигI чурхъуттар, тIубар гьадахъуттар, хулариъди ачархьуна цIабурар керхьуттар, IуькIеригI гIархьуна угуттар.

Мишттин курар алчадархьас хьин алгъузуна кканде шиниккварил. Вархалди гьайчIуна кканде хуларигьас, саларигьас хъара джуре джигагьаригьас. Фас пучин нехIс вереф сагелай э.

Луиза Гусукаева