16 марти лап авал заманайихъас хаб хье райондиъ аркьа хIаягъ э Хьидин Iуьш.
Гьер иса ме хIаягъахъ ахъутIуна, хIезур вей аве хье халкь. Ме ягъа икьрар аркьа батIар хIа маджлис акьас Типпигъарин мактабин майдандил – Некьвардал.
ЯгIара дуьйин тушкин ягъахъра хъуттудурфуна хьуне мисал шадвелдин мегIрака. Мисал завал хьуна уйи райондиас хIаф, бицIиф дагъай инсанар. Мебурис мисаъ акьуне мегIнибур лехъунар. Багулив фая джуре районариасра аде гIулара уйи мисаъ. Мебурис хIезур акьуна уйи авал заманайин Iелеттара, агьийина суфрабура.
Джуре исари ме ягъа ягъуйи димари хъучучIуна аркьафи дурахIелар: гьуккубар, сад сайин гуджар алцанди, тупп дурхIай, гъван фартаттар аркьай. Ме иса алтухъ дурахIелар акьас мугьлат йиндава дуйин гьавайи — ибхь угъай мекIра аяхIела.
Мишттин шадвелдин ягъар гьер ягъа аркьаттар дава, идехIела ме хIаягъ аркьаттарис сасбурира майил аркьай кканде джуревел дакьуна.

Камиль Мирзоев