12 сентябрьди, талат ягъа, Дагъусттандин Правительствойин Председательди Абдулмуслим Адулмуслимова кIили файшу мегIракайил гъургъуне чIирхIарин суаларихъас.
ХIа пай мисал гъургъуф чIирхар гъаре идарабурис машинар гьудуркIая курарихъас э. Хъара ппара акьуна кканди ая сан чIирхIар завал аркьа бакарин.
МегIракайил иштараквел акьуне Дагъусттандин министр природных ресурсов и экологии Александр Зимин, гьер районарин хIаттар, гьер регоператоров МБУ «Махачкала-1» и МАУ «Горсервис» хIаттар.
Ме суаларихъас гъургъу усагI уйи Дагъусттандин министр природных ресурсов и экологии Александр Зимин, хъара гьер районарин хIаттар, регоператорарин МБУ «Махачкала-1» и МАУ «Горсервис» хIаттара.
Абдулмуслим Абдулмуслимова пуне, агьал мехIелди цIае акьас башламиш акьуная инфроструктурайин джигагьар арайилди адава вахттуни, хьин сасра багухъас фикир акьуна кканде фиштти арайил аркьай ичин ме читивеларин суалар.
«Чгъди хъихьуна кар аркьа идара адавай чIирхIарин читинвелар арайил аркьаттар, мехIелди иджи арайил акьас вей адава шагьурариъ мертвел ухIас» — пуне премьера.
Хабди ме курарихъас мегIракайил гъургъуне Дагъусттандин министр природных ресурсов и экологии Республики Дагестан Саният Билалова. Ми ахъахъуне МБУ «Махачкала — 1» аркьая курарихъас чирхIар завал акьуна мертт акьубарихъас.
Билаловайин чIаларилди, 2021 иса, те вахттуни чIирхIарихъай кар аркьа идарабури хъикIуне чиппин кар. Хабди хъитIуне цIае маслихIетар МБУ «Махачкала-1» и МАУ «Горсервис» агъа идарабурихъай.
«Ме идарабур се Iетти пуна кьабул акьуттари. Гьалдис уйи идарабурихъ гьуркьу машин хъудавуйи джалла Дагъусттандиъ кар акьас. Идегуна мебури кар аркьайи Iари Махачкалайиъна Дербентиъ. Аме сасра шагьурариъна районариъ чиппис чарабур аркьайи», — пуне ми.
Ахиран вазала чIирхарин кар читин хьуная. Агьал гIулин вегIдара идегуна, булди ая гьер джурайин емиш, калтуф, ади инсанра туристара ппара хьуна чIирхIара ппара хьуне.
«МБУ «Махачкала-1″ хъай сасра кумак аркьа идарабура алучIуная чIирхIарин читинвелар арайил акьас. Районариъ хъара читинве, фас пучин инсанари вахттуни ме кардигьас манат ирцIандава, хабди вахттуни мертт акьасра вейдава», — пуне замминистрди.
Махачкалайин УЖКХйин хIатти Ислам Закарьяева пуне, агьал кар аркьая идарабур «Муниципальный -1» и «Центральный — 2» пай акьуная Iу багухъди.
«Гьер ягъа шагьурдиас гъая 5 агъзур куб чIирхIарин. Шагьурдин гIанаъ ая 1008 чIирхIар архъа бакар. Ахиран хьибу иса шагьурдин бюджетиас атуная хъара 234 бакара, гъушуная 2080 контейнер хъара. Гъушубар айчира, ч ирхьеттара ппара ве. Гьалдис ая бакрикес 20-30% ая бакарикес ишламиш акьас вей андава. Агьал кар аркьая идарабурихъ хъая 60-7- гьер джурайин машинар. Мебур гьер ягъа аттве шагьурдиди кар акьас. Хъара агьал ая читинвеларикес шагьурдин гIанас аттивуна кканди ая чIирхIарин бурчIан Черкес-Кутан агъа усаас», — пуне Закарьяева.
Хъара гъургъуне мисал шагьурариъ ухIая маларихъас. Мебури чIирхIар ая усариди адина далгъванас аркьа, мисариъ Iелди эркьва.
Ме кардихъас гиранди гъургъуне Абдулмуслим Абдулмуслимов. Алгъузен пуне джалла хIаттарис ме кардил.
мегIракайин ахирахъди буюрмиш акьуне Дагъустандин Министерствойис природных ресурсов и экологии хьедегьен дахи арайил а кьас ме курар бегьем акьас пулун суал. Пул хьехаб вахттуни ме кардин къайгъура акьас хьасе.
Аме районарин хIаттарис Абдулмуслим Абдулмуслимова кумак акье пуне районариъ кар аркьая идарабурис. Ахттуни инсанаригIас пул гIаттивуна чIирхар гъарегъилди.
Луиза Гусукаева