Къана садпе февраль джалла миллатарин хе чIалан хIаягъ э. Ме ягъ, хIаягъ суман акьас башламиш акьуфе Iу агъзурпе исалас мич.

Типигъарин мактабиъ ме хIаягъахъди хIефтта ккими хIезурвелар аркьа. Гьер са ягъа ме дарс ирцIан мегIелимари аркьа КВНар, алихьай хье чIалан суалар, конкурсар кIвал аркьай хье чIалан шаирар, хабди иджи ахъакьу шиникквар агъламишра аркьай.

ЯгIа Типигъарин мактабиъра акьуне хе чIалан хIаягъ. КIилиъ файшуне ме ягъ акьас хье чIалан дарсар ирцIан мегIелимди Кубутаева Тамам Закировнайи. Акьуне хIаягъ мактабин актовый залдиъ, джалла шиникквара мегIелимара завал хьуна. Ппара батIарди дуьхьесра акьуна уйи ме ус.

Мисаъ ерхьидпе классин шибери аликIуна агъул миллатин берхIемар, алахъуна келагъанар ахъакьуне хье шаирар. Хабди мебури агвар акьуне хье бинайиъ ая Iелеттар: кьутIурар, уркьар, арджирар, Iесида, сулен гунивар, бакъукъ алгьату рекъуьнар. Гьер са руша ахъакьуне чиппи акьу ямагихъас, фиттикес акьуф ичин, мусас аркьаттар ичин.

ХIе чIалан хIикатарихъди «Ккеккна пеI», «Iу дуст» агвар акьуне сценкабур хьибудпе классин шиникквари. Хъуланди аяттарис ппара тамашабур хьуне. Хабди муядпе классин шибери акьуне хье чIалан мегIнихъди са батIар лехъун.

Ахирахъди джалла мисаъ завал хьедегьенттарис насихIет акьуне хье чIал мусра кIвалас гьамарта пуна.

Батитай Габибулаева