Хунухиас димари гьерттис ликIина аве учин Iуьмурдин пай. Са ппараттарин Iуьмурар китабарик ликIиттар суман рехIетти ве, са ппараттарис хуппай фидегьен алучIучира азиятар, загьматар дахьуна фера джиркIендава.
Хизанарин дуламиш бадала ппара чирич-миштти адарка инсанар. Дадар бабарин фикир авереф шиникквар ухIуна хIа акьубан э. Гьеме фикир ай дуламиш хьуне хизанар МаллаIелинра Къизханум Курбановаринра. МаллаIели учин вахтт хье арайи ушуф и армиди. Мисаас те вахттуни джалла аскерарихъай файшуне ме Афганистандин дегIвиди. Iу иса дегIвиъра хьуна, ацIуна зулумара агуна рукьуне хулади.

Ке цIайи са усал хьегуна мебурин хизан яшамиш вей уй Типпигъарин хIуриъ. Хьуне мебурихъ Iу валадра: Халидна Зейнаб. Хабди, хулаъ хъара хизанар аяхIела мебур айчIуна ушуне Дербентиди. Дербентиъ МаллаIелийи кар аркьай уй Домостроительный комбинатиъ. Хабди ппара исари иджи кар акьуне пуна йине мебурис халра. Шиникквар махьтабариъ хурай, алттушуне исар. Махьтабар ккиркIуф Халид ушуне хурас Дагестанский Государственый Институт Народного Хозяйства «налоги и налогообложение» агъа факультетиъ 2008 иса. Хурубар ккиркIуфна сад ушуне ме са иса армиди. Ачархьуне Халид стрелковый войсковой 512 частиъди. Сара служба киркIуф экьуне ме къитIуна икьрара. 13.07.2010-01.11.2010 исари хьуне микес командир отделения по ремонту специальных средств ремонтной роты войсковой части 6752 Махачкалайиъ. 01.11.2010-23.12.2011 исари хьуне командир взвода оперативного назначения 2 роты. 14.10.2014 иса – командир 3 автомобильного отеделения автомобильного взвода роты технического обеспечения войсковой части 6913 Махачкала шагьурдиъ. 23.02.2022 исалас ме ушуне СВОйиди. Гьалра мисаъ аме хье валаятин сакинвел ухIай.

Алтухъ ирхе ахттилатар акьас ккандава Халидас мисаъ ая курарихъас. Са чIалалди ми агъа: «Зун уч мисаъ айчира, хизанар, шиникквар, багу кIилар зе йиркIураас аттархьайдава. Амма зун ме загьмат дивафра гьемебур бадалди э. Зе ватандин варттал ислехI, чуьлле зав алдий, багу-кIилари ачухъ йиркIв фай Iуьмур гьикурай пуна» — джекъе джуваб акьуне Халида.

Луиза Гусукаева