Инсандин фикир, lекьул, фагьум ппара гуджлу э. Авала инсанари ишламиш аркьа шейъэрисна, гьал ишламиш аркьаттарис тамаш акьугуна, ппара lеламатин шейъэр аттархьуна ая. 50-60 исан удигьай ая инсанарис гьалдин lеламатар агвар акьучин, хъугъасттава гебур. Авала инсанари цалар ккеркьай, кlетlабурилди дикlай, аркьайи рекъер, хаб гисариас вейи хlейванарил алди, ккитlуна вецара гъайи lерабабур. Гьал аттархьуне тракторар, экскаваторар, акьуне батlар lирlе рекъер, алгьатуне асфальт. Хабди ушуне гисалас гьер джурайин машинар. Исалас иса батlар вея рекъер, гьегисалас вей гуджлу машинара. Кканчин къакъар гъаре машинар, кканчин инсанар гъаре машинар исалас иса джура вея. Авала хlейванарис lуькlер ккехъуна кканди айчин, гьал машинарихъ ахъартай бензин, ге кедавай, ттукул вереттара ая. Хlуьлилас, заварилас вереттара аттархьуне гьал. Машинар ая лап бицlиттар, ая карьерди кар акьа 500-600 тонн гъаре хlаттар. Гьинан кlваъ хьаси, са фур сумар вецар хъиртlан lерабайин еринди 500 тонн гъаре машин хьасе пуна?
Ппара хlа э инсандин фикир, фагьум. Хьасе гьан гин ахир?

Расим Гучудадов