Ке ппара кIутар завал аркьайи цулин вахттуни, Iурдис рукъас укьарар, хIуппар руккагуна. Ке удигьай кIутар завал акьуна гIихьайи цIайигI, гебурик кея къабжар угас акьас. ЦIайигIас гIаттивухаб гебур ире хьуна авейи.

Хабди гебур алттирхIайи хуцIе гъвандилас шергве акьас, дурхIагун дузди гъузуна «Алем» хьас. Гьертти учихъ хъае кIутарис атайи рангар батIарвелдис.

ДурхIас хъучучIайи шиникквар, гьертти учив фая кIутар аттивуна артайи джилил. Джалла ккегъай атуна, хьибу-якьу митIри гьайчIуна атайи нубат алетти. Нагагь ахъатун кIут киркьуна алгъадаркучин ге веф вейи, дузди гъузухаб кIут «Алем» хьуне агъайи. «Алем» хье усаас хаб атафи кIутарис хулаас (круглевойдиас) адахъас нубат алетти.

Нагагь кIут алгъадаркучин джуреттин нубат вейи. Ппара кIутар алтгъаре кIутус агъайи «Бахттач» кIут, ге кIут ухIай артайи гъилив фацуна сасра джалга акьун ату кIутарихъайракегьей адартай.

КIутарин сандилди ягIар аркьафи найис ппара алтина айчин, ге вейи садпеф.

Батитай Габибулаева