Мисала ая: «Хъуьхъе ччам дегьен идже зад киркьуфттава инсандин джандис» кея муфеIэтихъас пичин гьаме хъуьхъе ччIаман, кена ке удигьай, кеттирхIун кканди ая мин гудевел ая 98,8%.

Гьамиштти ичира микес кея муфеIэт чукь вей адава, кIилди герекди ая дегьен тIегIем кимилгванди ая, рюхьес акьучира, джала витаминар А Е Д — гIамилгуф ккидавай, хьедра белок гIайчIуф, хъара ппара вей э.

МуфеIэт  хъуьхъе ччамакес ая Iу  багухъас фикир акьучина: ухIас ве ме, ифалилас ппара гагьди, чIир вей дава. ГIелимари агьа чукь-чукьди  IуьтIучина сагъ аркьа итталар остеопорозна рахитI кумак ве гIанасра уларис Iэкв агубас.

Ке идже некк — хIунинф, цIегьелан некк Iайи тIегIем алефе, идехIела ме ухагун, хьед агIатуна кканде, зарар дахьас.

Нагагь некк гьинанф кканчира ухучина шаккар гIахъуна, суратин ранг адис аркьа; нагагь уьтт гIадаркуна ухучина, сагъ аркьа гIанар-джанарин ягъниш кея усар. Нагагь ягъдира ппара ухубара зарар ирцIанде силебарисра хьамхьамарис. Ама неккдигI уьтт гIихьучин, яра, некк ухастти мертте хьед хъударкехаб сивихъ, мегунна зарар вей дава джандис. Гьамиштти аркьай хьуна ая Пайгъамбарди.

Некк ппара ухучина зарар ирцIанде уларис, лекарис, дюхIуьбарис. ИдехIела зарар дахьас, неккдигI гIадаркун кканде уьтт е имбирь.

                       

А.Магомедова