Ме коронавирус итталин ахир вереф суман дава. Ягъалас ягъа ме волна, те волна агъай фишттира гIаттархьай адава халкьдин джалгайигIас ме иттал. Фидегьен эхIттият акьучира ппара инсанар ая усариIди давей, мертвел аркьай, ме итталигьас кумак аяф Iари вакцинация акьуб э. Иттаттарин сан вартт вередегьен, вей-вей инсанар чаб димари вес алучIа вакцинация акьас.

Гьемиштти хьуная ме вакцина йирхIубан кар Магомедова Нуриятанра. Гьер ягъа инсанарихъай гьучархьа дукандил але инсан э ме. Ккандира даккандира гъил кирхьу вахтт ве, гъузуна гъургъуна кканве, даджикIи шейъ агваракьунра кканве. Са чIалалди, дукандилас гьер джурейин инсанар алаве, иттафра диттафра, амма иттал кедишас кканехаб багьанабур ппара ая. Ме кардин гъавурди ай, ме Нуриятара, мин шувара, шиниккварира ушуна акьуная чиппис вакцинация.

Нуриятан чIаларилди: «Ме вакцинайин рубар йихIуф чин, садпеф, че сагъвелдихъас фикир акьуна э, Iудпеф, че дукандиди вере инсарихъасра, чахъди вере багу-кIилинтарихъасра. Хабди чакес кедишина иттархьуне агъа гъургъубар дахьурай пуна. Зун иттархьасе, иттархьасттава пуна сайисра ягIай адава, амма джандин сагъвелдис эхттият акьуб джаллайин вазифа э».

Батитай Габибулаева