Минобрдин министирди ЯхIья Бучаева кIили гъузуна файшуне совещание. Мисал гъадивуне суал бицIи классариъ куче ямаг йибахъас. МисагI иштарак аркьай уйи Дагъусттандин минпромторгдин министр Низам Халилов, хъара ВКСди ай мебурихъди гIачадине сае идарабурин хIекимара, районарин хIаттара, гIилмин идарабурин хIаттара, хъара Iеле сурсатар аркьа предприятибурин эесибура. Ке герек суал и мисаъ гъадивунаф- шиниккварис ирцIан куче ямагарихъас, хъара алчадивубахъас соцпитанин компанибура. КIвал акьасе, буюрмиш Дагъусттандин махьтабариъ ае шиниккварис, хъара инсанарис герек иде идарабурис хъучатуб муфиIет кея сурсатар йине Правительствайин Председательди Абдулмуслим Абдулмуслимова. Яхья Бучаева ахъакьуне, джалла махьтабаридина садикариди гьикуная насихIетар- сурсатар кьабул аркьагуна, хьудегьен хье усариъ аркьаттар гъушанас алучIай акье пуна. «Ягъди аркьа шулугъар, ахтармиш аркьаттарин чIаларилди, арайил ве хIапай идарабури кьабул аркьахIела дагъусттандин дава сурсатар», — пуне Яхья Бучаева. Минпромторгдин хIатти Низам Халилован чIаларилди, ме кардин иджвел гьал аргвая. «Чавас ме кар идже багухъди алдаркас хьуная, ягIайин ягъас хIапай дагъусттандин махьтабариъ.

Батитай Габибулаева