Дагъусттандин филармони акьуная мегIрака Хасавюртовский райондиъ, джигьиларин мегIрака «Мы не хотим бояться за наше завтра!» агъаф.
Ге мегIрака файшуна аяф э хIуькуматин программайилди «Комплексная программа противодействия идеологии терроризма в Республике Дагестан» агъаттилди. МисагI гIачучIуна уйи джала хIа классариъ ая шиникквар, Хасавюртин махьтабарин мегIелимар, Хасавюртовский райондинра шагьурдинра администрациас адина ая гIулар, райондин антитеррористический отделдин хIаф Исрапил Гусейновра.
Исрапил Гусейнова ахъакьуне джигьиларис фиштти гучIхьуна кканчина далгъуная радикальный идеологибуригьас, хъара фиштти гьайчIуна кканчина гIачадархьас террористический организацибуригI джигьил инсанарин. Ге мегIракайиъ азман хIа экраник, народный артисткайин Дагъусттандин Рукият Гамзатовайин мегIнира ахъихьуна, агваракьуне архивдин ишкилар Бесландин махьтаб террористари фацуная вахттунин. Тисаъ хъара камерный оркестрди С. Хржановскидин тур алетти акьуне Арию Григара.
Музыкально-хореографический программайигI форумдин гIай уйи Государственный ансамбль Кавказдин милатарин лехъунарин, мегIнибур аркьаттар филармониъ Елена Величкора, заслуженный артистар Дагъусттандин Заира Даибована Башир Багавдинов, народный артист Дагъустандин Мухсин Камаловра, лауреат международный конкурсдин Алина Барановара, хъара Хасавюртин махьтабариъ ая шиникквара.
Ахирахъди мегIракайин айчIуне Военный оркестр 102 бригадайин оперативный войскабурин национальный гвардин РФ, кIилил алди капитан Ильяс Бектемировра.
МегIракайин кIилил алди уйи художественный руководительди филармонин Ирина Нахтигальди, учихъасра, Министерство культурайин багухъасра хIа чугъсагъул пуне джала мегIракайигI гIачучIуная инсанарис.
Ги хъара чугъсагъул пуне ге мегIрака акьас кумак акьуная инсанарис, замначальникдис Хасавюртин образованин Управленин Амият Абдулаевайис, главный специалистис клубный кардин «Управления культуры, национальной политики и туризма» Хасавюртовский райондин Муртазали Магомедалиевасра, хъара директордис Государственный ансамбльдин лехъунарин Кавказ милатин Айдемир Хангереевасра.
Нафият Шамсудинова
