Дагъусттандин физкультурайина спортин министирди Сажид Сажидова тайрикь акьуне хье хIуькуматтин кабминдин хIаттин Михаил Мишустинан чIалар 9 млрд манат  фатубахъас хье Дагъустандин гьер мукьари  хьибу исан арайи «умный» спортивный площадкабурна  модульный спортивный залар аккьубахъас.

Ме спортивный объектарин кар арайил  аркьаф э цае федеральный проектилди «Бизнес-спринт» агъаф хье  госпрограммайиъ аяф спортна физический культура арайил акьас.

Мишттин курарис Дагъусттандис фатасе ме иса 20 млн манат, 2023-пе иса — 60 млн, 2024-пе иса — 40 млн манат.

Сажид Сажидован чIаларилди, ме «умный» спортивный площадкабур, модульный спортивный залар арайил акьухаб  Дагусттандиъ мункинвел  хьасе сагъ Iуьмурдихъди ппара инсанар алдаркас.

 Мишттин аркьая гьер спортивный джигагьар багьана э спортна физический культура аркьаттар ппара хьас акьуб. ЯгIайин ягъас чин гIая федеральный проектигI «Спорт-норма жизни» агъаф. Гьер иса чин арайил аркьая мишттин спортивный площадкабур ГТО сумантар, хъара сагъвел цуппе аркьа комплексар. Миштин хIа агалкьунарихъ хъуттудурфуна, спортсменарис ягIайин ягъас  герек иде спортивный залар кканегъилди ппара адава.ХIапай мишттин читинвелар аяф  хIурариъ э.Миштти идегуна, час ппара чугъсагъул пас кканди ая хье Дагъусттандин хIаттис, Россиийин Правительствойин Председательдис  акьу кумакихъас гьме  курар арайил акьас», – пуне Сажид Сажидова

Минспортин къайдабурилди, 2021исас хье Дагъусттандиъ хъая 4.5 агъзур спортивный объектар, мебурикес 2915 плоскостной спортивный сооруженибур,1035 спортивный залар,плавательный бассейнабур — 29, стадионар — 13, спортивный сооруженибур — 438, спортивный тирар — 52.

Наибет Гасукаева