МТC фирмайи гостиницабур фацубан санар ахъадивухаб, Дагъусттан ттиъ
гIачархьуна ая гIуьфуд ке Iайи туристар вере мукьаригI январь вазалалас
июнь вазалан ахираристтегьен. Туристар адиб вартт хьуна ая 30
процентинди. Ме кидавай, Дагъусттан Северный Кавказдин вилаятарикес ке
айи туристар вере мукь хьуне. Ке ппара туристар хье вилаятиди ве
Москвайиас (17%), Iудпе мукьуйиъ ая туристар Краснодардин вилаятиас (8%),
хьибудпе мукьуйиъ ая туристар Ставропольский крайдиас. Мебур кидавай,
ппара ве Дагъусттандиди туристар Ростовдиас, Ханты-Мансийскдиас, Санкт-
Петербургдиас.
Ппара гIая адиттаригI цацра адиттар, мебурис ппара кьабулхьуна ая хье
ямагар, инсанарин хасиятар, тIабиIетин ухьтанвелар, хIуьл.
Адиттарикес садпе мукьуйил алдея машинарна мотоциклабур фай адиттар,
амма самолетарилди адиттарин сан тиъ цацалас ппара хьуна ая. Эгера
алттушу иса хIапай адибар 1-3 ягъанттар ичина, тиъ ппара хьуная 5-7 ягъанди
адиттарин сан. Ттиъ, алттушу исахъ хъуттурфуна, ппара хьуна ая хьилаба вере
туристара.
Абдулрашид Рамазанов