Бедуьхъарин хIур гIачархьафе ЧIаарин сельсоветигIди. Тпигъарин хIуриъас 18км. дегьен ая. Фидегьен вахт хьунайчин ме хIурин пас хьасе миса ая куьйна гъванарик ликIинаттарилди. ЛикIинаттарихъ хъугъучин Бедуьхъарин хIур гIайуйи Кавказский АлбанигI. Агъа чIаларилди хIур хьунафе гьер мукьариас аде инсанарилди.

Удигьай хьин кквал акьуне фидегьен манзил айчин Тпигъаас Бедуьхъди. Манзил чIукь аргва, амма рекъер фиштинтаре пичин ижи адава. ГIулана фишти ичира э, амма Iурдана Аллагьди ухIурай.

ЧIаарин хIуриъас верегуна Iу мугI гьучархьа, са мугI гаф адава пара ижи ая. Iудпеф арчIуна, мус арайил хьасчин ягIайдава. Хъуруцуна акьуна рекъ. Рекъ пуна са ттур алеф. Багвар фахъуна хIа машинарифас вес верегъилди адава. ЯгIа-багагь угъалар угъучин аф гъасе.

Сувариъ ибхьер угъас ппара вахтар андава. ЖемеIетифас хабар гъушугуна фишти ая Iурдис хIезурвелар, рекъ адавай фера чафас ахъиянас вей адава пуна жуваб йине. Че муш кея агъайи багу вахтарирекъер хьасе пуна. Читинвелар гьагиштира дахьичира гьуркIая.

 

О.Мирзоев.