БатIарди фикир акьучин  аллагьтехIелайи  гьеме  дьунья   акьунаф  гьер  са-са шейэр  фикир  акьуна  э, инсандис идже  верегъилди. Аллагьди акьуна айя инсандикес  кIилди джан  кейя  шейэрин хIаф. Фас пичин!  инсандифас  ве фикир  акьас, нахширарихъ  фикир  хъадава.   ДехIела аллагьди аманат  акьуне инсандис нахширар, джакьвар, IуькIер, хьеттар, хъара джуре шейэра. Инсанди батIарди ухIун канефе  учис аманат акьуна шейэр. Хье природайил  агьал  алдея  са  хIелна  ягъ.  Пара  джуребур  IуькIеринра  нахширарин гулуная.  Тахсир фуш э пучин, чаб  инсанар э. Чиппис аллагьди  аманат  акьуная шейэр, гебирифас  ухIас  вей адава.  Браконьерарина охотникари кедихьайя ацIуна  нахширар тамаш  бадалди. Заводарина  фабирикабри фартая  чIирхIе  отходар, дехIела луькIея  ацIуна  балугъарна  джуре хьетигъа шейэр. КIурарихъас гъургъучин, дарар кедихьайя  инсанари. Дафтариъ  пунафе, гьер са инсанди узуна канефе кIурар, тукар  нахширарифас  Iуьтанас вереттар. Гьеге  кIурарикес нахширарина джакьвари  IуьтIухаб  гьеге садакьа   хIисабе  агъа. Нахширарикесра ацIуна ижвел кейя инсандис. ХIуни ицIанде неквар,  нисар, джарар, кьудакьар.Гьегишти  гьер са нахширариф учин иджвел фафе инсандис. ДехIела дафтариъ пуная кедмихьа, кимата инсандис иджвел ке шейэрик, дахьичин хьин джуваб йина кандея аллагьдис  хье аманатихъас.