Хье Республикайин хIатти Владимир Васильева   гьер хIефтайин  совещанил гъадивуне чIирхIар завал аркьа усарин ахттилат. Ге кар хьес джаллайис ке Iайи герек кар э, хье гьавайин мерттвелбадалди. «Ме кар арайил дакьутарихъай  зун  Iэгвалвел хъудай  гъургъасе. Йисе суалар джалла хIаттарис. Са министрди дава джуваб йин кканди аяф, хьин джалайи йин кканде»  — пуне хье хIатти.

Министр Набиюла Карачаевас  чIал йигуна ги пуне: «Гьер шагьурди акьасе инсанаривас чIирхIар кьабул аркьа мукьар». Гьалдис гишттин Iу киоск алийина ая Махачкалайиъ, садпеттар иджи хайир кей кар аркьая. Ке дахи гIатIушунаф ге кардигI шиникквар э, фас пичин са килав кардунигьас ицIанде хьибу манат, ппай пластика йицIу манатигьас. Ая инсанар йиркIв руцIаттара чиппи димари гIаттирхIуна чIирхIар гьавайи фаях агъаттар.

Хъара министрди  ахъакьуне фиштти кар аркьайчин сасра регионариъ. ХIа гаф акьуне  ке хIа УК «Лидер» агъа оператордин, гебури хъулирханди ая са миллионра сур инсандихъ  са-са хIа шагьурариъ на районариъ. Гебури чиппикес  гъушуная цIае техника. Ге кидавай верша гьалдис кар аркьая. Гъушуна ая майдан джил, цIуре завод батIар акьун кар аркьая, файдина ая итальянски оборудовани чIирхIар ттуьлле аркьаттар.

Батитай Габибулаева