Рамазандин вазалан гьер вахадну ягъа Типпигъарин хlуриъ мазгитин имам кlилил хьуна аркьай ая джемеlети хъай сивар гьатубар (ифтар). Мехlелабурди пай акьуна сив гьарта вахттуни завалве халкь, хlаф,бицlиф дагъай.

Сив гьарта мукьуйигь димари аркьа мучlинан къулгунара. Яри-муя мехlела акьуна ая миштти завал верегъилди. Джалла шатти аве, бицlиттар- ккелар суман дурхlа.
Мишттин маджлисар ислехlвелдис, алчушубас-алттушубас ппара иджи э. Къуншибурин, мехlелабуринттарин арайиъ хlуьлмат-нуьхlубат ве, хьес агьал lайи герекди аяф.

Хумбари ягъ хъучучlугъилди, хlуьягар алийина фачучlуне ямагар аркьас, уйи ракьар, ашар, хинкlарар хъара джуре lуьтlубара.

Джаллабурис загьмат алихьуттарисра йиркlвар руцlай уйиттарис чухъсагъул, lуьтlуф садакьа хьурай, аметти баракат йирай, хье йиркlвариас иман кам дакьурай, джуре иса хъара иджи, шатти аркаттар хьурай мишттин маджлисар. Хе хумбарин джанариас сагъвел кам дахьурай, ягlа ппара загьмат акьуф гебури э.