ЧIаарин хIуриъ 13 пе апрелдиъ хьуне маджлис  хье райондин имамвелди вахттуни кар арквай ая (Тпигъарин имам) МухIаммад кIилил алди. Мисаъ завал хьуна уйи хье райондин имамар кидавай  хъара джуре  мукьариас  адина ая  имамара, гIалашувара.

Завал хьуна ая халкьдис акьуне гьертти несихIабура, суалар алихьай, агъартIаттарис китабара йине, хумбарисра конкурс башламиш акьуне пуна хабар акьуне. Терроризмдин, экстремиздин ахттилат акьуне.

Ме маджлис хьас  ягъар ами, хъара  ухшар акьас ЧIаарин хIурин мактабиъ Iуьрус чIал ицIан мегIелимдис  тIалаб акьуна уйи хье чIалан шаирар ликIенас. Учи пара зурбадалди Iуьрус гIаланттар ликIенди ги, кканди газитиъра ихьуна уйи гин загьматар. Хасбулат Гамзатов учис тIала акьу кар арайил акьуна, имами чIал йигуна, ге маджлисил хуруне учин  шаирар  мезура гъаре балабурихъас, Iайвелихъас.

 НасихIа

Итте пиар атайде

ГIумурдин ачух майдан,

Агун-дагуна гулайде-

Маркьа ваш алтухъди ккан

ХIюлашуй адинайде,

Пакьул хьурай ве, инсан

Кьяеф вархал акъайдеф-

Ижеф хьурай вас масан

Ирккар ккида мезурас,

ЧIалан кьадар ппара хьу,

Хабар кидай иркIурас,

Ижеф(э)-мажал ккядархьуб

Жандис инай (де) кьуватис,

Кьяйвеларикк ккядаху,

Раккар ахъур хIулматис (акьас)

Душманарис хIядархьу

Кьимат цIа вандай учис,

Нафсуни акьун хIалак,

КIил ядархIюрай къирис

Жил лакус дахьураи шак

ИркIурас- гунагьин къакъ,

ГIакьул — дарман э кIилис;

ГIаква хьурай зурба рякъ-

ГIумурдин кIилиъ адис.

 

К.Мирзоев