Хьуна Iу къунши хизан. Са хизандин идеми Аллагь йиркIурал алеф хьуна, учин вахтт-вахттуниай къулгунара аркьай. Гьаге учис хъудуьхьуьф хьуная гин хьира, учин дадар-бабари пеф акьуна ушуф шувас.

Джуре хизан гьамиша къал-макъал аяф хьуне. ДжемеIетин гьемиша сивил алди хьуная ме Iу хизан – сад Iайи иджефе агъай, сасра иджеф дава агъай. Iудара хизанар девлет-баракат хъаттар хьуная. Ме кардихъас гьамиша алди хьуна мебур сивил, ме джемеIетин «иттал».

Са ягъарилас са ягъа Iудара идемар кIина. Гьамиша мазгитариди вереттис пуна малайикди – вун весе джегьелемди.

— Фикьас пуная ми зун гьемиша иджвелар аркьафи халкьдис, мазгитариди верефи.

— Ве хьирахъас.

— Ве хьира вейи мазгитариди, руцуна учис ягIа хумбара верефи, учикъас иджи гъургъурай пуна. Хуппай джаллабури аркьафи тин хIа гафарар. Вун садакьа аркьагуна, ти вас джалла вун ягIаттар ая мукьуйиъ акьас аркьафи, халкьдис агурай пуна. Чвахъас батIар чIалар пурай пуна. Вун фераминдай аркьаяф кIилди вахъасра ве хьирахъас иджи гъургъай пуна. Миштти идегуна ве мукI джегьелемдиъ э.

— Зе къуншира джегьелемдиъ ахьасев?

— Ве къуншис Аллагьди джаннатиъ агвар акьуна мукь. Тис хьиран кумак хьуная. Хьира ге кедихьуне диваттикесра ухаттикес. Адикуне гиас шейтIан, хулаасра хъай. Вун ве хьирас къизил тIубулар, кванишар, берхIемар гъулангуна, тин хьиран ул авейдавуйи багьа шейэриъ. Тис учихъас фи пичира бала вейдавуйи халкьди учин курарихъас, сасра багьа шейэрихъас. Тебур мазгитариди давейчира, сайисра даргвай ицIанди чиппин гъилихъ хъая Iу манат, сасра садакьа. Аркьаф аркьайи йиркIураастти касиб инсанарис кумак. Чун суман инсанарис батIарди агубахъас дава. Аллагьдис кканеф чве батIар чIалар-гафарар дава, мертте йиркIваре.