Гьалдин дуяйиъ джемеIетин удигь цIае Iуьмурдин шартIар ппара ая. Агьал хIуькуматис кканди ая зурбабур, сагъвел атар, хIуьттеттар, дагучIаттар, хурубар кеяттар, дагIаф ягIар акьас хIезурди аттар, хIуькумат бадала кар акьас хIезурди аттар, герек вахттуни мин сакинвел ухIас гъайшас вереттар. Махьтабарин кардиъ садпе лазим иде каре кегъархьая шиникквар дуздин багухъди вардиш акьуб. Шиникквар вардиш акьубан ке лазим багв э мебурис ватанперасвел ягIар акьуб. Ме багв фудавай шиниккварин вардиш акьубахъас гъургъас хьасттва. Хабди военно – потриотическое воспитанира алакъа э ватанперсвелдихъай. Ватанперасвелдин тарбия Iу мегIна хъая тарбия э. Фас пучин ми джалла багвар ягIар аркьа джигьил ватанагьлийис. Кканчин ватан ухIа аскерарис герек идеттар, кканчин ислехI инсандис герек идеттар. Махьтабариъ ая шиниккварисра ирцIанде мегIелимари ме тербийин дарсар, аве хъара военная подготовка агъа дарсара. Джигьил шиникквар армиди вестти гъавурдиъ ай кканве ме курарин. Ватан ухIа аскерар вардиш акьуб мегIелимарин удигь ая ке читин джувабдар шартI э. Гьер са дарсар ирцIан мегIелимдис ягIай кканде нае шиникквдихъди фиштти рукьас аркьайчин ватанперасвел. ЯгIа мегIелимари фидегьен иджи ягIар акьучин шиниккварис ме дарс багагь миштти мебури ватанра ухIасе.
Луиза Гусукаева