Гьер са инсандис дуньяйин варттал ке багьа зад фи э пуна фикир акьучин, хьевас викIехIди пас хьасе ме учин хал, хизан, шиниккв э пуна. Са чIукь кегъархьуна, чаб — чиппин гъавурдиъ архьухаб, мин фикир хизандихъас ве. Хизанарин хIаягъ э пуна къаршиламиш аркьа хьин 8 июль. Гьелбетта гьер са хизандис мус хьучира фикир йис алучIай аве хье хIуькуматин вакилари. Ичира ме ягъа джурейи ибур ирцIанде гьер хизанарис. Гьемиштти, 8 июльди, РДйин хумбарин маджлисин председатель Интизар Мамутаева ушуне ппара шиникквар хъая са хизандиди. Ме шиниккварин дад СВОйиъ кIи кавалер ордена Мужества Муслим Алиев и. МуслиАлиев уч Казбековский райондин Дылым агъа хIуриас. Ме кардихъас информагентствойис хабар акьуне муниципалитетин пресс — службайи. Интизар Мамутаева, РДйин миллатарин сиясатин Министерствойин хIафра хъай, Дагъусттандин хумбарин маджлисигI гIая Хасайбат Валиевара, Казбековский райондин дишагьлибурин Советин председатель Пата Айтемировара хъай адина уй ме аскердин хулади, мин багу кIилар, хизанар, шиникквар агуб бадалди. Шиниккварис мебури файдина уйи савкьатарна игрушкабур. Хъара, мебурив фачийина, шиниккварис савкьатар гьикуна уйи Казбековский райондин хIатти Гаджимурад Мусаевара.

Салихат Малагусейнова