18-пе июньди кардин бадала Ахвахский райондиъ ушуна уйи Дагъусттандин Председатель Правительства Абдулмуслим Абдулмуслимов. Мисаъ мебури ахтармиш акьуне, фиштти кеттвей аячин кунар диркьван цехунин курар Карата агъа хIуриъ.

Аде гIулар кьабул акьуне райондин хIатти Магомед Муртузалиева, хъара ме райондин ттур ая, ме кар йиркIурал акьу Омар Муртузалиева. Мевус аркьа мукь ахтармиш аркьагуна, райондин хIатти ахъакьуне ме цех аркьаяф ООО «Пронт» агъа компанин икьрарилди 2022-пе исахъас хаб э пуна. Сметайин кIеджарилди, мисаъ гъадивас ккея Iу мартабин дарамат 1418 м2 джилил.

КIили гъушуная ме цех акьас ООО «Тим» агъа компани, инвестицибурин кьайдабурилди мисас хъучартая 209 миллион манат.

Ме проектис хIуькуматин кумакра ая, кирачивелди 49 исанди мебурилди йиная 5000 м2 джилин. Цех аркьа джилихъди хъучафайдиная джалла коммуникацибура.
Строительный курар ккиркIвас йиркIураъ ая ме цех акьуна 2023-пе исан ахирахъди, кар акьас хъучучIас 2024-пе исахъас хаб. Мевус кар акьас хъучучIухаб, инсанарис ерхьцIур кар аркьа мукьар хьасе.

Мисаъ дикьванас йиркIураъ ая хIекьдан кьумашарикес постельный бельебур, кунар, пардабур, фурсунин устулил алчихьа суфрабур, дасмалар, гьер курарил аликIа кунара.

«Ме цехунин проектилди, мебури кар акьасе хье ариш-варишчибурихъай, кьабул аркьай ахьасе ресторанарин, гостиницабурин, кафебурин заказара, хъара мебури кар акьасе хIуькуматин идарабурихъайра», — ахъакьуне Муртузалиева.

Хъара ми пуне, мишттин проектар дахъудегьен, инсанар хIурариъ гъурзар акьас хьасе шагьурариди душуна. Миштти хьухаб райондисра иджи э, чиппис инсанарисра.

 

Батитай Габибулаева