Са вахттра алттдушуна дахи духIуба хьуне дуьйин гьавабур. Зун агъай аяф цIае Iеламатар аттархьуна пуна дава , зун агъай аяф хьин суман хIурариъ ая инсарис иджи ибур ицIанди адава пуна. Удигь вахттари рекъера авейи иджи, гIараридира, суварихъдира иса сагелай алттирхIай майдан аркьай авейи, булахарин хьеттар тIахIур хьуне пуна унихьайдавуйи, инсанди учи учикес пул йина ттарахттур фацуна сувари рекъ аркьай ая пуна унихьафттавуйи, пулара хубджинттар. Хуькумат ахъаджихIайи халкьдихъ. Гьал хьин хъуттурфучи идарабур ая хьес кумакис акьуна аяттар, амма муфаIет Iайи чIукь кеяф. ХIес, дагьараригI гIая инсанарис кканди аеф ппара адава: гьуркIу Iекв, шергве рекъер, уха хьед, ачидирхIубра, е мушат дакьуб вун аркьай ая кардис.

ЯгIайин ягъас хъуттурфучин угъал угъудегьен булахин хьед тIакьван ве, рухар адина, кичикIуна ая турбабур гъа , е руг алафайшуна ккедикIа, адади рекъер гьуркIуна мертт аркьайдава. Инсанаринра сад сайихъди нуьхIуьбат-хIуьлмат андава, гьерф учис чара аркьай архьуна ая. Са ягъа, Iу ягъа угъал угъучин унихьаф-техIурди рекъ адава, ме Iуриъ Iеквар адава, зе бала булахин хьед тIакьван ве.